Уласна лексічныя сродкі выражэння камічнага ў мове беларускага перыядычнага друку (на магэрыяле часопіса “Вожык”)

Abstract

Мэтай артыкула з'яўляецца вызначэнне і апісанне найбольш тыповых уласна лексічных сродкаў стварэння камічнага эфекту ў мове часопіса “Вожык” (на матэрыяле выданняў 1996 – 2000 гг.). Камічная экспрэсія лакалізуецца і / або ствараецца ў межах слова ў тых выпадках, калі аўтар нечакана разбурыў прывычныя, усталяваныя ў мове заканамернасці, звязаныя са значэннем слоў і іх формай, тонка, умела матывуе парушэнне гэтых норм. У мове беларускага перыядычнага друку (на матэрыяле часопіса “Вожык”) уласна лексічнымі сродкамі камічнай экспрэсіі з'яўляюцца: 1. Антрапонімы: “гаваркія" прозвішчы, імёны (як кантрастныя прозвішчу і / або сацыяльнаму становішчу свайго ўладальніка, калі не з’яўпяюцца штучна створанымі; як “гаваркія", калі ўтвараюцца адмыслова), мянушкі (у тым ліку і матываваныя прозвішчамі рэальных асоб). 2. Апелятыўныя імёны. 3. Тапонімы. 4. Аказіянальныя словы: лексічна-семантычныя аказіяналізмы, лексічна-граматычныя аказіяналізмы (семантычна адвольная кантамінацыя, або гібрыдызацыя, узуальных слоў; штучная этымалагізацыя; скарачэнне асновы слова).