Полісемія слоў-суправаджальнікаў фразеалагізмаў

Abstract

Артыкул прысвечаны полісеміі слоў-суправаджальнікаў фразеалагізмаў сучаснай беларускай літаратурнай мовы. На канкрэтным фактычным матэрыяле праводзіцца класіфікацыя даследуемых адзінак у эалежнасцi ад колькасці значэнняў. Статыстычны аналіз паказвае, што ў семантычным плане яны ствараюць пэўную ieархію: з дзевяці вызначаных груп найбольш шматлікімі' з’яўляюцца першыя пяць. Разглядаецца частотнасць рэалізацыі першасных i другасных значэнняў пры тых ці іншых фразеалагізмах, адзначаецца імкненне мнагазначных слоў-суправаджальнікаў ужывацца у першасных значэннях у спалучэнні з фразеалагізмамі. Аналізуюцца прыклады фразеалагічных адзінак, суправаджальнікі якіх валодаюць двухпланавасцю значэння (суіснаванне этымалагічнага і актуальнага значэнняў, а таксама выпадкі канататыўнай энантыясеміі, калі слоўнікавае значэнне слова-суправаджальніка, якое мае станоўчую эмацыйную афарбоўку, у спалучэнні з фразеалагізмам становіцца адмоўна афарбаваным). У канцы робіцца вывад аб магчымасці мнагазначнага суправаджальніка рэалізаваць толькі адно значэнне пры фразеалагізме.