Вербальнае выражэнне камічнага ў драме Уладзіслава Галубка “Ветрагоны”

Abstract

Для стварэння камічнага эфекту ў драме ўжываюцца розныя сродкі: як спецыялізаваныя, так і неспецыялізаваныя. Да спецыялізаваных сродкаў адносяцца такія, для якіх камічная функцыя з’яўляецца сталай, узуальнай (яна рэалізуецца ў любым кантэксце і абумоўліваецца ўласцівасцямі саміх моўных адзінак). Гэта каламбуры (полісемантычныя, фразеалагічныя) і іранізмы. Неспецыялізаванымі з’яўляюцца такія сродкі, для якіх камічная функцыя не з’яўляецца сталай (яна рэалізуецца толькі ў спецыяльна створаным кантэксце пры дапамозе адпаведных актуалізатараў камічнага). Гэта параўнанні, фразеалагізмы, ідыялектныя клішэ, гіпербалы, алагізмы, перыфразы і інш. Актуалізатарамі іранічнай экспрэсіі з’яўляюцца вербальны постпазіцыйны кантэкст і іранічная інтанацыя. Камічны эфект узмацняецца з дапамогай інтэнсіфікатараў (комплекснага выкарыстання вербальных сродкаў).