Асаблівасці маўленчых паводзін беларусаў (на аснове аналізу фальклору і фразеалагічных адзінак беларускай мовы)

Abstract

У артыкуле на аснове аналізу прац вядомых вучоных-русістаў Н. I. Фарманоўскай і Ю. В. Раждзественскага на матэрыяле фразеалагічных адзінак і фальклору беларускай мовы вызначаюцца асаблівасці моўных паводзін для адрасата і адрасанта, вылучаюцца асноўныя правілы, якія рэгулявалі моўныя паводзіны беларусаў разглядаецца адметнае значэнне голасу ў аспекце беларускай міфалогіі. Адсутнасць класіфікацыі правілаў моўных паводзін на аснове беларускай фразеалогіі ў поўнай, разгорнутай форме ў беларускім мовазнаўстве дае падставу гаварыць аб актуальнасці распрацоўкі гэтай тэмы ў сучаснай беларусістыцы. У выніку даследавання можна сцвярджаць, што тыя асноўныя аспекты маўленчых паводзін, што зафіксаваны ў фразеалагічных адзінках і фальклоры, не страцілі сваёй значнасці і ў наш час. У артыкуле падкрэсліваецца, што моўныя паводзіны беларусаў маюць міфалагічны падмурак, бо ідуць з крыніц першаснага ўяўлення аб навакольным свеце.