Вербальныя сродкі стварэння камічнага ў п’есе Уладзіслава Галубка “Суд”

Abstract

Камічны эфект дасягаецца ўжываннем як спецыялізаваных, так і неспецыялізаваных сродкаў. Спецыялізаваныя сродкі - такія, для якіх камічная функцыя з’яўляецца сталай, узуальнай. Гэта каламбуры (полісемантычныя, амафонныя, фразеалагічныя, паранамазійныя, камбінаванай будовы) і іранізмы. Неспецыялізаваныя - такія сродкі, для якіх камічная функцыя не з’яўляецца сталай (яна рэалізуецца толькі ў спецыяльна створаным кантэксце пры дапамозе адпа-ведных актуалізатараў камічнага). Гэта марфалагічныя сродкі (дзеяслоўныя формы pluralis reverentis, гукапераймальныя словы і вытворныя ад іх), параўнанні, антрапоні-мы, праклёны, перыфразы, экспрэсіўна-ацэначныя адзінкі, іншамоўныя ўкрапіны, алагізмы, гіпербалізмы, ідыялектныя клішэ, камбінаваныя сродкі. Актуалізатарам камічнай экспрэсіі з'яўляецца прэпазіцыйны або постпазіцыйны вербальны кантэкст. Камічны эфект узмацняецца з дапамогай інтэнсіфікатараў (экспрэсем, прыёму канцэнтраванага ўжывання моўных адзінак).