Хведар Ілляшэвіч як прадстаўнік духоўна-ірацыянальнай плыні ў заходнебеларускай паэзіі

Abstract

Артыкул прысвечаны даследаванню асаблівасцей творчасці Хведара Ілляшэвіча. У ім сабраны і сістэматызаваны багаты матэрыял, звязаны з духоўнамастацкімі пошукамі заходнебеларускага паэта, выпрацавана адметная навуковая канцэпцыя суадносін традыцыйнага і наватарскага ў яго вершах. Аўтар аналізуе асаблівасці характеру светаўспрымання і ладу мыслення X. Ілляшэвіча, яго ідэйна-эстэтычнага асэнсавання жыцця, выяўлення ўнутранага свету асобы лірычнага героя. Адзначаецца звернутасць паэта да раскрыцця міфалагічных, духоўнаметафізічных рыс і адзнак народных вераванняў і традыцый, якія прадугледжвалі адзінства і цэласнасць складаных жыццёвых працэсаў, характерную светацэнтрычнасць, узаемаабумоўленасць і ўзаемазалежнасць, ідэальную раўнавагу з’яў і прадметаў. X. Ілляшэвіч меў схільнасць да натхнёнага пачуццёвага сузірання і душэўнай узрушанасці, тонкіх, зменлівых уражанняў, сведчыў акварэльную лёгкасць мазкоў і фарбаў. Яго мастацкая свядомасць была прасякнута настраёва-прачулым лірызмам, выразным музычным пачаткам іраскрывалася ў характерным імпрэсіяністычным малюнку.