Лексіка-семантычныя тыпы матывацыі тапонімаў Гомельшчыны

Abstract

Артыкул прысвечаны вывучэнню сучаснага стану урбанонімаў, у прыватнасці, гадонімаў Гомельшчыны ў лексіка-семантычным аспекце. Крыніцай даследавання з’яўляюцца найменні лінейных аб’ектаў абласнога горада, 20 раённых цэнтраў і іх буйных населеных пунктаў. Адзначана, што ў фарміраванні гаданіміі задзейнічаны два пласты лексікі: апелятыўная (9 тыпаў з іх унутранымі разнавіднасцямі) і анамастычная. Аданамастычныя ўтварэнні матывуюцца 7 класамі: антрапонімамі, айконімамі, ідэонімамі, гідронімамі, харонімамі, этнонімамі, якія фарміруюць новую группу ў даным класе онімаў. Выяўлены таксама тыпалогія і адрозненне ў найменні геаграфічных аб’ектаў, зроблены вывады аб прадуктыўнасці і ступені ўжывання прадметна-тэматычных груповак. Праведзены аналіз гадонімаў дапаўняе вывады па вывучэнні тапанімічнай лексікі адзначанага вышэй рэгіёна.