Тыпы мастацкага міфалагізму ў сучаснай беларускай паэзіі

Abstract

Паэтычнае мысленне мае шмат агульнага з міфалагічным. Адной з асаблівасцей беларускай паэзіі канца XX - пачатку XXI cт. з'яўляецца мастацкі міфалагізм. Дадзены артыкул разглядае мастацкі міфалагізм як асаблівую паэтыку, заснаваную на светапогляднай і сюжэтна-вобразнай сістэме міфа. Праз аналіз спосабаў міфалагізацыі ў мастацкіх творах даследуюцца розныя тыпы паэтычнага светабачання ў творчасці сучасных паэтаў. У артыкуле даследуюцца такія спосабы мастацкай міфалагізацыі, як узнаўленне глыбінных структур мыслення; увядзенне ў аловед асобных міфалагічных матываў; зварот да пластоў нацыянальнага быцця і свядомасці, якія яшчэ захоўваюць сувязь з міфалогіяй; арыентацыя на першапачатковыя канстанты чалавечага і прыроднага быцця і інш. На падставе аналіза сцвярджаецца, што ў сучаснай беларускай паэзіі прысутнічаюць арганічны, знешні і сінтэтычны тыпы міфалагізму.