Роля замежных спецыялістаў пры фарміраванні прамысловага патэнцыялу ўсходніх рэгіёнаў БССР (1970–1980-я гг.)

Abstract

У артыкуле прааналізаваны выкарыстанне імпартнага абсталявання, удзел і роля спецыялістаў з розных краін у фарміраванні прамысловага патэнцыялу ва ўсходніх рэгіёнах БССР. Адзначана, што на працягу 1970-1980-х гг. на шэрагу прадпрыемстваў БССР шэфмантажныя і пусканаладачныя работы ажыццяўлялі спецыялісты з ФРГ, Англіі, Галандыі, Японіі, Італіі. Тэхналагічны вопыт і абсталяванне гэтых краін дазволілі беларускім спецыялістам пазнаёміцца з перадавымі тэхналогіямі, павысіць сваю кваліфікацыю, умацаваць кадравы патэнцыял савецкай Беларусі. Шэраг прамысловых прадпрыемстваў выйшлі на ўзровень, які адпавядаў тагачасным дасягненням навукі і тэхнікі і занялі вядучыя пазіцыі ў эканоміцы рэспублікі, СССР і Еўропы.