Вербальныя сродкі камічнага ў "Камедыі" Каятана Марашэўскага

Abstract

“Камедыя” Каятана Марашэўскага – адзін з найбуйнейшых арыгінальных помнікаў беларускай літаратуры XVIII ст. Камічны эфект у п’есе дасягаецца ўжываннем як спецыялізаваных, так i (часцей) неспецыялізаваных вербальных сродкаў. Спецыялізаваныя сродкі – такія, для якіх камічная функцыя з’яўляецца асноўнай. Да іх адносяцца іранізмы, якія можна кваліфікаваць як абсалютна-спецыялiзаваныя сродкі камічнага, паколькі яны выконваюць функцыю стварэння камiзму ўсе без выключэння. Неспецыялiзаваныя сродкі – такія, для якНі камічная функцыя не з’яўляецца асноўнай. Гэта і дыялектныя клішэ, умоўныя дыялектызмы, іншамоўныя ўкрапіны, звароткі, экспрэсіўна зніжаныя адзінкі (асобныя лексемы, праклёны, фразеалагізмы), параўнанні, выклічнікі. Важная роля у рэалізацыі моўнымі сродкамі камічнай экспрэсіі належыць актуалізатарам, а ва узмацненні яе – інтэнафікатарам (канцэнтраванае i комплекснае ўжыванне сродкаў).