Камунікатыўна-прагматычны патэнцыял абзаца ў сучасным мастацкім тэксце

Abstract

У артыкуле засяроджваецца ўвага на прагматычнай функцыі абзаца ў творах сучаснай мастацкай літаратуры. Розныя падыходы даследчыкаў да вылучэння прынцыпаў падзелу на абзацы аб’ядноўваюцца ўспрыманнем абзаца ў якасці актуалізатара прагматычнага патэнцыялу тэксту, паколькі закранаюць такія важныя пытанні, як актыўнасць асобы адрасанта, аўтара ў стварэнні мастацкага тэксту, выбар ім адпаведных ілакутыўнай задуме моўных адзінак. Робіцца выснова аб тым, што менавіта аўтарская мэтаўстаноўка абумоўлівае эмацыйную афарбаванасць абзаца, накіраваную на комплекснае рашэнне прагматычных задач на ўсіх узроўнях арганізацыі абзаца. Акцэнтуецца ўзаемадзеянне абзацнага афармлення з іншымі сродкамі графікі і арфаграфіі. Фактычна пацвярджаецца, што характэрнае для сучаснай мастацкай прозы графічнае, арфаграфічнае, пунктуацыйнае адступленне ад нормаў узмацняе прагматычны патэнцыял абзаца, робіць больш выразным імпліцытны сэнс.