Сацыякультурныя аспекты дэвіянтных паводзін у сучасным спорце

Abstract

У сваім артыкуле аўтар раскрывав некаторыя тэндэнцыі развіцця культуры грамадства, якія датычацца спартыўнай дзейнасці. На падставе багатага тэарэтычнага і эмпірычнага матэрыялу ён даводзіць, што гвалт, агрэсія і хуліганства з’яўляюцца неад'емнымі атрыбутамі чалавечай супольнасці. Вытокі падобных тэндэнцый пачынаюцца з далёкіх часоў мінуўшчыны, а свой цяперашні адбітак набываюць у залежнасці ад варункаў сацыяльнай рэчаіснасці. Аўтар звяртаецца да творчасці такіх вядомых мысліцеляў як Х. Артэга-і-Гасэт, К. Лоранц, якія ў сваіх працах прадказвалі пэўную сувязь паміж тымі характарыстыкамі, што іманентна належаць да чалавечай натуры, і тымі, якія набываюцца пад час навучання, а затым рэалізуюцца ў сістэме паводзін на ўзроўні культуры. Спорт у дадзеным выпадку наглядна дэманструе тыя віды дэвіяцыі, якія прыўносяць напружанасць у грамадскае жыццё. У сваім аналізе аўтар у асноўным абапіраецца на практыку паводзін футбольных заўзятараў, таму што яны з’яўляюцца найбольш арганізаванай і ў той жа час колькасна найбольш вялікай і сацыяльна небяспечнай групоўкай, пра якую ўжо існуе даволі значная бібліяграфія.