Мастацкі свет аповесцей І. Шамякіна 1990-х гг. Сэнсаўтваральныя дамінанты

Abstract

Характарызуюцца асаблівасці мастацкага свету аповесцей І. Шамякіна “Без па-каяння” (1994), “Бумеранг” (1994), “Выкармак” (1995), “Крывінка” (1996). На падставе характарыстыкі асаблівасцей мастацкага свету названых вышэй і інш. твораў сцвярджаецца, што аповесці І. Шамякіна акрэсленага перыяду ў сукупнасці іх сацыяльных зрэзаў з’яўляюцца своеасаблівай літаратурнай панарамай супярэчлівых, разбуральных, перспектыўных і бесперспектыўных маральных праяў рэчаіснасці гэтага часу. “Чалавецтва ў сваім развіцці пайшло не па той дарозе” – у такой выснове Віталія Галавана (“Крывінка”) утрымліваецца таксама аўтарскае перакананне ў праекцыі на рэчаіснасць 1990-х гадоў, якое ўплывала на сістэму сэнсаўтварэння ў аповесцях І. Шамякіна другой паловы 1990-х гадоў. У выніку творы гэтага перыяду напоўнены сацыяльным разладам, сацыяльным і маральным беспрасвеццем, несправядлівасцю, “блуканнем па пакутах” і інш. А малая доля надзеі і спадзяванняў прысутнічае ў іх на ўзроўні прадчуванняў лепшага магчымага, якое перакрэсліваецца ўсё той жа сацыяльнай і маральнай безвыходнасцю.