Спадчына Еўфрасінні Полацкай: гістарычнае асэнсаванне ў святле новых адкрыццяў

Abstract

У кнізе прадстаўлены агляд новых археалагічных знаходак і адкрыццяў з матэрыяльнай і духоўнай спадчыны прападобнай Еўфрасінні Полацкай. Гэтыя адкрыцці сталі магчымымі дзякуючы міждысцыплінарным даследаванням, якія актыўна праводзіліся ў Полацку з удзелам аўтара манаграфіі. Дзе шукаць вытокі шматлікіх навацый, на якія так багата творчая спадчына Еўфрасінні Полацкай? Чаму Еўфрасіння нароўні з кананічным падпісвалася імем Офрасіння і чаму палачане ў ХІІ ст. óкалі пры вымаўленні імёнаў? Куды “знік” мужчынскі манастыр, аздоблены прападобнай, і дзе была пабудавана Багародзіцкая царква? Якія формы выкарыстоўвала прападобная ў сваёй асветніцкай дзейнасці і на чым грунтавалася яе праграма? Якія ў яе былі адносіны са сваім бацькам, полацкім князем Георгіем, і які след яны пакінулі ў яе дзейнасці? На гэтыя і шматлікія іншыя пытанні можна знайсці адказ у дадзенай манаграфіі. Адрасуецца ўсім, хто цікавіцца айчыннай гісторыяй, і найперш маладым даследчыкам, якія жадаюць адкрыць новыя старонкі нашай любай Бацькаўшчыны.