Добрыя манеры

Abstract

У дашкольным узросце інтэнсіўна фарміруюцца рысы характару, засвойваюцца нормы і правілы паводзін, развіваюцца маральныя пачуцці дзяцей, пачынаюць усталёўвацца ўзаемаадносіны з дарослымі і раўнагодкамі. Асаблівую ўвагу трэба звярнуць на фарміраванне ў дзяцей правіл добрага тону (добрых манер). Добрыя манеры – гэта правілы культуры паводзін, прынятыя ў грамадстве ў адносінах да сябе, іншых людзей, іх дзейнасці, прыроды і прадметаў побыту. Структура добрых манер для дашкольнікаў уключае: асобасную культуру (агульную і ў залежнасці ад полу дзіцяці); культуру дзейнасці (паводзіны ў гульні, працы, пры зносінах, на занятках); культуру зносін з дарослымі і раўнагодкамі; культуру адносін да прыроды і прадметаў, якія нас акружаюць (асабістага і грамадскага карыстання). Добрыя манеры павінны фарміравацца з малодшага дашкольнага ўзросту з паступовым ускладненнем зместу да старэйшага ўзросту. Асноўныя ўмовы работы – цесная сувязь з сям’ёй і апора на індывідуальныя асаблівасці кожнага дзіцяці. Вядучыя метады і формы работы ў малодшым дашкольным узросце – прыклад выхавальніка і іншых дарослых, дыдактычныя гульні і гульні-заняткі з выкарыстаннем сюжэтнай лялькі, гульні-практыкаванні на добрыя ўчынкі, указанні і напаміны дарослых, індывідуальныя даручэнні маральнага характару. У старэйшым дашкольным узросце вядучымі ў рабоце з дзецьмі з’яўляюцца: этычныя ўрокі, чытанне масгацкай літаратуры на маральную тэматыку, разыгрывание драматызаваных сцэнак лялечнага тэатра і сюжэтна-ролевых гульняў на пэўную тэму, рашэнне праблемна-маральных сітуацый, прагляд і абмеркаванне серыі карцін, дыяфільмаў, мультфільмаў на этычныя тэмы, вядзенне ддённіка добрых спраў, адкрыццё школы ветлівасці і добрых манер.